Հայաստանի կառավարությունը Ռուսաստանի հետ մի շարք կարեւոր ներդրումային նախագծեր է քննարկում, այդ թվում արդյունաբերական: Հունվարի 25-ին Մոսկվայում՝ ԵՏՀ գրասենյակում մամուլի ասուլիսին այս մասին ասել է Հայաստանի վարչապետ Նիկոլ Փաշինյանը:
Նրա խոսքով՝ ռուս գործընկերների հետ բանակցությունները սկսվել էին Մինչեւ Մոսկվա ժամանելը՝ Դավոսում անցկացվող համաշխարհային տնտեսական համաժողովում:
Այնտեղ Փաշինյանը հանդիպել է ՎՏԲ բանկի նախագահ Անդրեյ Կոստինի, ՌԴ բիզնես-օմբուդսմեն Բորիս Տիտովի եւ Ռուսաստանի գործարար շրջանակների եւ տնտեսական գերատեսչությունների այլ կարեւոր ներկայացուցիչների հետ:
«Մենք ցանկանում ենք քննարկումներ անցկացնել նաեւ հայկական ծագմամբ ռուս ձեռնարկատերերի հետ», - ասել է նա:
Միեւնույն ժամանակ նա նշել է, որ ներդրումային նախագծերի իրագործման համար ժամանակ է հարկավոր եւ այդ ժամաանկը պետք է առավելագույնս արդյունավետ օգտագործել:
Նիկոլ Փաշինյանը պարզաբանել է, որ քննարկել են ոչ թե ներդրումների չափերը, այլ դրանց բովանդակությունը, կոնկրետ թվերը կհաշվեն արդեն փորձագետները: «Օրինակ, ՎՏԲ բանկի հետ քննարկվում է Թեղուտի պղնձամոլիբդենային հանքավայրի ֆինանսավորումը:
Ալավերդու հանքավայրը եւ պղնձաձուլական գործարանը Հայաստանի հյուսիսում ստեղծում են ավելի քան հազար աշխատատեղերեր, իսկ պղինձը երկրի արտահանվող խոշորագույն ապրանքների տասնյակում է: Հույս ունեինք, որ մինչեւ 2018 թվականի վերջը հնարավոր կլինի Թեղուտի հանքավայրում աշխատանքը վերականգնել: Բայց այնտեղ դատական խնդիրներ առաջացան: Որքան գիտեմ, հիմա դրանք լուծվում են, եւ մենք հուսով ենք, որ ՎՏԲ բանկը կկարողանա պայմանավորվել օպերատորի հետ, որը հանքավայրում մենեջմենթ է իրականցնելու», - ասել է վարչապետը:
