Ֆրանսիան պատրաստ է լրացուցիչ պատժամիջոցներ կիրառել Իրանի դեմ, եթե առաջընթաց չգրանցվի նրա բալիստիկ հրթիռային ծրագրի շուրջ բանակցություններում: Այս մասին հայտարարել է Ֆրանսիայի արտգործնախարար Ժան Իվ Լե Դրիանը:
«Մենք պատրաստ ենք, եթե բանակցություններն արդյունք չտան, պատժամիջոցներ կիրառել, եւ նրանք դա գիտեն», - ասել է նա:
Ավելի վաղ դիվանագետները Reuters-ին մասնավոր կարգով ասել էին, որ Ֆրանսիան, Մեծ Բրիտանիան եւ Եվրամիության մյուս երկրները Թեհրանի դեմ նոր տնտեսական պատժամիջոցներ են քննարկում:
Ըստ երեք դիվանագետների, դա կարող է ներառել ԻՀՊԿ-ի ներկայացուցիչների եւ այն իրանցիների նկատմամբ ճամփորդական արգելքներ եւ ակտիվների սառեցում, որոնք մշակել են Իսլամական Հանրապետության բալիստիկ հրթիռների ծրագիրը: