Վարչապետ Նիկոլ Փաշինյանը ցավակցական հեռագիր է հղել Միշել Լեգրանի մահվան կապակցությամբ.
«Մեծ տխրությամբ ստացա Միշել Լեգրանի մահվան լուրը։ Հայ եւ ֆրանսիացի ժողովուրդների մեծ զավակն իր գլուխգործոցներով միշտ կմնա մեզ հետ, մեր սրտերում:
Տասնամյակներ շարունակ հազարավոր հայեր Հայաստանում եւ Սփյուռքում զմայլվել են Լեգրանի հիասքանչ երաժշտությամբ։ Նա մեզ սովորեցրել է սիրել գեղեցիկն ու բարձրաճաշակը՝ անջնջելի հետք թողնելով մեր արդի երաժշտական ճաշակի ձեւավորման վրա։
Ցավակցում եւ իմ զորակցությունն եմ հայտնում Միշել Լեգրանի բոլոր հարազատներին եւ մտերիմներին»։
