2018 թվականի երրորդ եռամսյակում արտասահմանյան ներդրումները 50 տոկոսով աճել են 2017-ի նույն ժամանակահատվածի համեմատությամբ: Այս մասին հայտարարել է Հայաստանի վարչապետ Նիկոլ Փաշինյանը ՌԲԿ հեռուստաալիքի հետ հարցազրույցում՝ պատասխանելով այն հարցին, թե թավշյա հեղափոխությունից հետո արդյոք Հայաստանի հանդեպ հետաքրքրություն դրսեւորվել է:
«Անկեղծ ասած՝ հիմնական ներդրողները-գործարարները սփյուռքից են: Նրանք թե՛ Ռուսաստանի, թե՛ ԱՄՆ-ի, թե՛ Եվրոպայի հայերն են: Ինտենսիվ ներդրումներ են ուղղված տեքստիլ ճյուղին, շատ են ներդրումները տեխնոլոգիական արտադրության մեջ, տեղեկատվական տեխնոլոգիաների հատվածում, գյուղատնտեսության մեջ»,- ասել է Փաշինյանը՝ նշելով, որ շատ հեռանկարային ոլորտ է վերականգնվող էներգետիկան, որի մեջ նույնպես կատարվում են ներդրումներ: