Մենք մարժայի հարցով բանակցությունները շարունակում ենք, եւ առայժմ վերջնական որոշում չկա: Լրագրողների հետ զրույցում այս մասին ասաց փոխվարչապետ Մհեր Գրիգորյանը՝ պատասխանելով այն հարցին, թե ինչ միջոցներով են նախատեսում փոխհատուցել բնական գազի սակագնի աճի պատճառով լրացուցիչ ծախսերը:
Ընդ որում՝ նա նշեց, որ նախատեսվում է լրացուցիչ ծախսերը փոխհատուցել «Գազպրոմ Արմենիա» ընկերության մարժայի հաշվին:
Հարցին՝ արդյոք որոշակիացվե՞լ են վարչապետի պաշտոնում իր պարտականությունները, հաշվի առնելով, որ Հայաստանում առաջին եւ երկրորդ փոխվարչապետների պաշտոնները վերացվել են, Գրիգորյանը պատասխանեց, որ շուտով կհրապարկվի այդ հարցով վարչապետ Նիկոլ Փաշինյանի վերջնական որոշումը:
Փոխվարչապետը նաեւ հայտնեց, որ իրենք առայժմ համակարգի շրջանակում լիազորությունների որոշակիացման փուլում են:
Միաժամանակ, պաշտոնավարելիս իր պասիվ գործունեության վերաբերյալ մեղադրանքներին առնչվող հարցին Գրիգորյանը պատասխանեց, որ «ամեն ինչ աշխատանքով է երեւում, այլ ոչ թե միայն խոսակցություններով»:
Ընդ որում՝ նա հայտնեց, որ իր կարծիքով՝ կառավարության կառուցվածքային փոփոխությունները նախատեսվում է անցկացնել փետրվարին:
«Քննարկվում է կոնսոլիդացիայի հարցը, քանի որ կառավարության վերջնական կառուցվածքը դեռեւս հստակ չէ… Ես չեմ բացառում, որ կառավարությունում կմնա ընդամենը 12 նախարարություն… Ամեն ինչ համապատասխանում է Սահմանադրությանը»,- ասաց պաշտոնյան:
Գրիգորյանը շեշտեց, որ Սփյուռքի հետ կապը ավելի ինտեգրված կլինի, որպեսզի Հայաստանի ամբողջ կառավարությունը նրա հետ աշխատելու հնարավորություն ունենա:
