«Հայբիզնեսբանկը» գործարկում է «ՄԻՆԻ» վարկատեսակը փոքր բիզնեսի ներկայացուցիչների համար: Վարկը տրամադրվում է մինչև 5 տարի ժամկետով՝ շրջանառու միջոցների համալրման և ներդրումային նպատակներով:
Վարկ ստանալու համար հաճախորդները հնարավորություն կունենան ստանալ վարկ՝ անշարժ գույքի գրավադրմամբ մինչև 25 մլն ՀՀ դրամ կամ համարժեք արտարժույթով, տարեկան 11-13% տարեկան տոկոսադրույքով (կախված ընտրված արժույթից): Վարկի տրամադրման պայման է հանդիսանում դրական ֆինանսական վերլուծությունը:
«Փոքր բիզնեսին աջակցումը և պահպանումը Բանկը դիտարկում է որպես թիրախային հատված` Բանկի զարգացման ռազմավարության շրջանակներում 2019-2021 թվականների համար: «ՄԻՆԻ» վարկատեսակի տրամադրումը նախատեսվում է հնարավորինս պարզ, արագ և հաճախորդի համար նվազագույն ծախսերով: Հուսով ենք, որ այս պայմանները հնարավորինս դրական ազդեցություն կունենան փոքր բիզնեսի ներկայացուցիչների հետ ամուր և երկարաժամկետ համագործակցության հաստատման համար», - նշել է բանկի Վարչության նախագահի տեղակալ Ալյոնա Ստրատանը:
