Տուրիզմի եւ ճամփորդությունների համաշխարհային խորհրդի (World Travel & Tourism Council, WTTC) գնահատականով՝ զբոսաշրջային ոլորտում զբաղված մոտ 700 հազար մարդ կմնա առանց աշխատանքի, տեղեկացնում է ՌԻԱ «Նովոստի»-ն՝ հղում կատարելով Associated Press-ին։
WTTC տվյալներով, եթե Brexit-ը անցնի առանց ապագա հարաբերությունների մասին համաձայնագրի կնքման, ապա սպառնալիքի տակ կհայտնվի Մեծ Բրիտանիայում տուրիզմի ոլորտում զբաղված մոտ 308 հազար աշխատող, եւս 399 հազար էլ՝ ԵՄ այլ երկրներում։
WTTC կանխատեսումը հենվում է Արժույթի միջազգային հիմնադրամի տվյալների վրա։
WTTC նախագահ եւ գլխավոր գործադիր տնօրեն Գլորիա Գեւերան ասել է, որ «կոշտ Brexit»-ը զգալի ազդեցություն կգործի Մեծ Բրիտանիայի տնտեսության առավել նշանակալի հատվածներից մեկի վրա։