«Սասնա ծռեր» խմբի 10 անդամների գործով տուժող ՀՀ ոստիկանապետը Վալերի Օսիպյանը առարկում է, որպեսզի խմբի անդամների նկատմամբ համաներում կիրառվի: Այս մասին նա հայտարարեց դատարանում նիստի ժամանակ:
«Ես կորցրել եմ ընկերներ, եթե չլինեին իմ կորցրած ընկերները, միգուցե իմ դիրքորոշումն այլ լիներ: Յուրաքանչյյուրը պետք է կրի օրենքով նախատեսված իր պատիժը»,-հայտարարեց նա:
Այսպիսով, հարցաքննությունն ավարտվեց: Դատական նիստերի դահլիճից դուրս գալուց հետո «Սասնա ծռերի» աջակիցները վիրավորական արտահայտություններ հնչեցրեցին Օսիպյանի հասցեին:
Քիչ հետո դատարանում ցուցմունք կտա այս գործով տուժող ՀՀ նախկին փոխոստիկանապետ Վարդան Եղիազարյանը:
Հիշեցնենք, որ Համաներման մասին օրենքի նախագծով նախատեսվում է պատժից ազատել ՊՊԾ գնդի տարածքում հանցագործություն կատարած, վերջիններիս հետ հանցակցած, այդ նպատակով հանցափորձ կամ հանցագործության նախապատրաստություն, հարակից տարածքներում դրանց հետ առնչություն ունեցող հանցագործություն կատարած «Սասնա ծռեր» խմբի այն անդամներին, ովքեր չեն մեղադրվում սպանություն կատարելու մեջ եւ եթե համաներման դրա դեմ չեն առարկում պատանդառված եւ ֆիզիկական վնաս կրած տուժողները: