Ուկրաինան գրեթե ավարտել է ԱՊՀ-ի կոորդինացիոն մարմիններից դուրս գալու գործընթացը եւ աշխատում է Համագործակցության շրջանակում ավելի վաղ կնքված պայմանագրերից դուրս գալու ուղղությամբ: Լրագրողներին այս մասին ասել է Բելառուսում Ուկրաինայի դեսպան Իգոր Կիզիմը:
«Մենք դադրեցրել ենք մեր մասնակցությունը ԱՊՀ-ի կոորդինացիոն մարմիններում, որոնք գործում են այստեղ՝ Մինսկում: Դրա համար ես կարծում եմ, որ այս գործընթացն ավարտվել է, -ասել է դեսպանը,-մենք համապատասխան փաստաթուղթ ենք ներկայացրել, դրա համար ամեն ինչ ավարտված է»:
Նրա խոսքով՝ ներկայումս Կիեւն աշխատում է որոշ ընթացակարգային հարցերի ուղղությամբ, «աստիճանաբար դուրս է գալիս պայմանագրերից»:
«Այս գործընթացը երակրատեւ է: Ինչ վերաբերում է կոորդինացիոն ինստիտուտներին, մենք այդ մարմիններում ներկայացուցչություն չունենք, այն փակ է», - մանրամասնել է դեսպանը:
1991 թ. դեկտեմբերին Ուկրաինան վավերացրել էր ԱՊՀ ստեղծման մասին համաձայնագիրը եւ Համաձայնագրի արձանագրությունը, սակայն չէր վավերացրել Համագործակցության Կանոնադրությունը, հետեւաբար դե յուրե, այդպես էլ ԱՊՀ անդամ չոր դարձել: Այնուամենայնիվ Կիեւը բոլոր մակարդակներում մասնակցել է կազմակերպության աշխատանքին: 2014-ին, իշխանափոխությունից հետո, երկրի նոր ղեկավարությունը հայտարարեց, որ սկսում է ԱՊՀ-ից դուրս գալու գործընթացը: Այնուհետեւ նախագահ Պյոտր Պորոշենկոն հրամանագիր ստորագրեց ԱՊՀ կանոնադրական մարմինների աշխատանքներում Ուկրաինայի մասնակցության վերջնական դադարեցման մասին:
2018 թվականի օգոստոսին Համագործակցության կանոնադրական մարմիններում Ուկրաինայի ներկայացուցչությունը փակվեց, շփումներն իրականացվում են Մինսկում Ուկրաինայի դեսպանատան միջոցով: 2019 թ. հունվարին հաղորդվել է, որ Ուկրաինայի Կառավարությունը որոշել է դադարեցնել ԱՊՀ շրջանակներում տնտեսական համագործակցության վերաբերյալ կնքված երեք պայմանագրերը: