ԵԽԽՎ-ում հայկական պատվիրակության անդամների միջեւ՝ հանձինս թե՛ կառավարամետ, թե՛ ընդդիմադիր պատգամավորների, լիակատար փոխըմբռնում գոյություն ունի այդ կազմակերպությունում Երեւանի գերակայությունների հարցում։ Այս մասին փետրվարի 6-ին Հայաստանի Ազգային ժողովում հայտարարել է ԵԽԽՎ-ում հայկական պատվիրակության ղեկավար Ռուբեն Ռուբինյանը։
Մեկնաբանելով Եվրոպայի խորհրդի բարձրաստիճան պաշտոնյաների զեկուցումներն ու հայտարարությունները, որոնցում ներկայացվել են արդարադատության խնդիրները Հայաստանում, Ռուբինյանը հավաստիացրել է, որ «ոչ մի զեկուցում, որում ասվում է, որ արդարությունը կամ արդարադատությունը Հայաստանում խախտվել է, չկա»։ «Կա ապահովելու կոչ, որպեսզի բոլոր գործերը, ներառյալ մարտի 1-ինը, անցնեն համապատասխան արդար դատավարություն։ Սա շատ դրական կոչ է, որին մենք կողմնակից ենք եղել եւ շարունակում ենք կողմնակցել»,- բացատրել է Ռուբինյանը։
