Անցյալ տարին չկարողացավ գերացանցել 2016թ․ ռեկորդային բարձր ջերմաստիճանը, սակայն ներառվեց դիտարկումների ողջ պատմության ընթացքում ամենաշոգ սեզոնների քառյակում։ Այս մասին Գոդարի անվան հետազոտական տիեզերական ինստիտուտում կայացած մամուլի ասուլիսում հայտարարել են NASA-ի ներկայացուցիչները՝ հայտնում է ՌԻԱ Նովոստին։
«Անցյալ տարին դարձավ հերթական ծայրահեղ շոգ սեզոնը, որ լրացուցիչ ավելացավ երկարաժամկետ գլոբալ տաքացման վրա։ Դրա հետեւանքներն արդեն կարելի է տեսնել եւ զգալ՝ սկսած ԱՄՆ-ի ափերին ջրհեղեղների եւ վերջացրած շոգի ալիքներով, տեղումների անսովոր բարձր մակարդակով ու էկոհամակարգերում տեղաշարժերով»,- հայտարարել է ինստիտուտի տնօրեն Գեւին Շմիդտը։
Սկսած 2015 թվականից՝ Երկրի վրա միջին ջերմաստիճաններն ամեն ամիս անընդհատ նոր ռեկորդներ են սահմանում՝ 1-1,5 աստիճանով գերազանցելով նորման։ Հատկապես լուրջ էր իրավիճակն այդ տարվա առաջին 5 ամիսներին եւ 2016թ․ օգոստոսին, երբ Արկտիկային եւ Ռուսաստանին հատուկ ջերմաստիճանները նորման գերազանցում էին 5-9 աստիճանով։
Վերջին երկու տարիներին այդ թրենդներն ավելի քիչ տագնապալի են դարձել, թեեւ 2017-ն ու 2018-ը այնքան էլ շատ չեն զիջել նախորդ տարիներին սահմանված ռեկորդներին։
