Ճապոնիայում «հյուսիսային տարածքների» (այսպես են երկրում անվանում Կունաշիրը, Իտուրուպը, Շիկոտանը եւ Խաբոմաին) վերադարձման համազգային համագումարում առաջին անգամ չեն օգտագործել Ռուսաստանի կողմից կղզիների «ապօրինի օկուպացման» մասին արտահայտությունը, հայտնում է «Կիոդո» գործակալությունը:
Նշվում է, որ այս ձեւակերպումից հրաժարվելը պայմանավորված է 2 երկրների հարաբերությունների բարելավմամբ եւ խաղաղ պայմանագրի հարցի շուրջ ինտենսիվ բանակցային գործընթացով:
Այ լրատվամիջոցների տեղեկություններով՝ սա նման առաջին համագումարն է անցյալ տարվա նոյեմբերից, երբ 2 երկրների առաջնորդները հանդես էին եկել խաղաղ պայմանագիր կնքելու օգտին՝ հիմնված 1956 թվականի ճապոնա-խորհրդային համատեղ հռչակագրի վրա:
Համագումարին ավանդաբար մասնակցում են երկրի վարչապետը, ԱԳ նախարարը եւ կառավարության այլ անդամներ: