News
Լրահոս
News
Ուրբաթ
Մարտ 29
Տեսնել լրահոսը

Քիչ առաջ դիմում եմ ներկայացրել Ազգային ժողովի նախագահին՝ խնդրելով ազատել ինձ Ազգային ժողովի աշխատակազմի իրավական փորձաքննության վարչության պետի պաշտոնից: Այս մասին Facebook-ի իր էջում գրել է Գարեգին Պետրոսյանը:

Նա, մասնավորապես, նշել է. «2014 թվականի օգոստոսի 27-ին, երբ դարձա իրավաբանական վարչության պետի տեղակալ, արդեն գրեթե ամբողջությամբ պատրաստ էր սահմանադրական բարեփոխումների հայեցակարգը. շուտով սահմանադրական փոփոխություններն էին, այնուհետեւ՝ օրենքների համապատասխանեցումն այդ փոփոխություններին:

Երջանիկ եմ, որ հնարավորություն ստացա պետության օրինաստեղծ կյանքի այդ կարեւորագույն ժամանակահատվածում լինել Ազգային ժողովի աշխատակազմի իրավաբանական վարչության պետի տեղակալ, նույն վարչության պետ եւ իրավական փորձաքննության վարչության պետ՝ համեստ ներդրում ունենալով հիշյալ գործընթացներում:

Շնորհակալ եմ բոլոր-բոլորին, ում հետ այս ընթացքում աշխատել եմ, եւ բոլոր նրանց, ովքեր կողքիս են եղել դժվար պահերին:

Բաղրամյան 19-ի ձգողականության ուժի մասին բոլորին է հայտնի:

Թե պատգամավորներից, թե աշխատակազմից շատերն են այստեղից հեռանալուց հետո կրկին վերադարձել (ինքս էլ 2009-2012 թվականներին եւս աշխատել եմ աշխատակազմում):

Այնպես որ, կարծում եմ՝ մի օր կրկին վերադառնալու եմ իմ երկրորդ տուն…

Եվ վերջում, իհարկե, խաղաղություն, ներդաշնակություն եւ տրամաբանություն մեր երկրին…»:

!
Այս նյութը հասանելի է նաև   Русский
Տպել
Ամենաշատ