ԱՄՆ նախագահի նախկին թեկնածու Հիլարի Քլինթոնն ասել է, որ ԱՄՆ նախագահ Դոնալդ Թրամփի որոշումը՝ դուրս գալ միջին եւ փոքր հեռահարության հրթիռների ոչնչացման պայմանագրից (ՄՓՀՀՊ), «նվեր» է Ռուսաստանի նախագահ Վլադիմիր Պուտինին, գրում է Gazeta-ն՝ հղում կատարելով The Hill-ին։
Քլինթոնը նշել է, որ նախկին նախագահ Բարաք Օբամայի վարչակազմը պետք է ՄՓՀՀՊ-ի գծով Ռուսաստանի հետ փոխգործակցության «ավելի լավ աշխատանք» կատարեր։ Ընդ որում՝ նրա կարծիքով, Թրամփը նվեր է արել Պուտինին, քանի որ վերջինը «պատասխանատվություն» չի կրել «խաբող գործողությունների» համար։
«Վերջին բանն, ինչ այժմ անհրաժեշտ է աշխարհին, սպառազինությունների միջուկային մրցավազքն է»,- ընդգծել է Քլինթոնը։