Ճապոնիայում անհայտ անձը փորձել է ուժով ներխուժել պաշտպանության նախարարության տարածք: Միջադեպը տեղի է ունեցել տեղական ժամանակով 9:40-ին Տոկիոյի Իտիգայա շրջանում, հայտնում է Mainichi Shimbun պարբերականը:
Պաշտպանական գերատեսչության համալիրի մուտքի մոտ չարագործը հարձակվել է զինծառայողի վրա եւ ցանկացել խլել նրա զենքը: Տղամարդուն բռնել են: Լրագրողները նշում են, որ դիտակետում գտնվող հրացանը լիցքավորված չէր, ուստի հանցագործը անգամ ցանկության դեպքում չէր կարող փոխհրաձգություն կազմակերպել:
Ոստիկանները ներկայումս պարզում են տեղի ունեցածի հանգամանքները: