Aurus լիմուզինի համաշխարհային շնորհանդեսը տեղի կունենա այս տարվա փետրվարին ԱՄԷ-ում կայանալիք IDEX-ի սարքավորումների ցուցահանդեսին: Այս մասին հայտնել է ՌԴ Արդյունաբերության եւ առեւտրի նախարար Դենիս Մանտուրովը: Հիշեցնենք, որ ավելի վաղ նախատեսվում էր, որ ռուսական Aurus մեքենաների շնորհանդեսը տեղի կունենա Ժնեւի միջազգային ավտոսրահում, որը բացվում է մարտի 7-ին, գրում է «Ռոսիյսկայա գազետան»:
Արդյունաբերության եւ առեւտրի նախարարությունն ավելի վաղ հայտնել է, որ այս տարվա փետրվարի 15-ից Aurus Senat Limousine L700 լիմուզինի եւ Aurus Senat S600 սեդանի նախնական պատվերները սկսեն ընդունել ռուսական խոշոր ավտոդիլերները: Դենիս Մանտուրովի խոսքով՝ հետաքրքված հաճախորդները հնարավորություն կունենան ուղիղ կապ հաստատել Ռուսաստանում Aurus-ի պաշտոնական գործընկերների հետ: Դա «Ավիլոն» եւ «Պանավտո» ընկերություններն են: Aurus մեքենաների արտահանման ծրագրերը սինխրոնիզացված են ASEAN-ի, Եվրոպայի, Չինաստանի, Մերձավոր եւ Միջին Արեւելքի, Աֆրիկայի, Հարավային Ամերիկայի, Հարավային Կորեայի համար տրանսպորտային միջոցի տեղական հավանության հետ:
Միեւնույն ժամանակ Մանտուրովը ավելի վաղ վստահութուն էր հայտնել, որ Aurus մեքենայի առաջին գնորդները կլինեն եվրոպացիները:
«Դա նախ եւ առաջ, եվրոպական մեքենա է, բայց ԱՄԷ-ն եւ Մերձավոր Արեւելքի այլ երկրները այլ նույնպես ակտիվորեն հետաքրքրվում են Aurus-ով», – ասել է նա:
