Ճանապարհային ոստիկանության կողմից նյութեր են նախապատրաստվում փետրվարի 2-ին Կոտայքի մարզում տեղի ունեցած ավտովթարի փաստով։ Այդ օրը, ժամը 16։00-ի սահմաններում Արամուս գյուղից դեպի Կամարիս տանող ճանապարհահատվածում բախվել են 39-ամյա Գեղամ Գ.-ի վարած «ՎԱԶ 2107» մակնիշի 81 MR 001 համարանիշի եւ 27-ամյա Գեղամ Թ.-ի վարած Mercedes մակնիշի 35 XX 162 համարանիշի ավտոմեքենաները։

Shamshyan.com-ի  փոխանցմամբ, վթարի հետեւանքով «07»-ի ուղեւորներ՝ 40-ամյա Լեոնիկ Ա.-ն, 39-ամյա Մարտիրոս Ա.-ն մարմնական վնասվածքներով տեղափոխվել են «Աբովյան» բժշկական կենտրոն։

Աղբյուրի տեղեկություններով՝ փետրվարի 5-ին եւս 3 հոգի դիմել է հիվանդանոց եւ հայտնել, որ վնասվածքները ստացել են նշված ավտովթարի հետեւանքով։ Ոստիկանությունը պարզում է տվյալ անձանց ինքնությունը։