Եթե երրորդ ձեռքն էլ ունենայի, երրորդ ձեռքով կպաշտպանեի հանրային վայրերում ծխելն արգելելու մասին կառավարության որոշումը: Այս մասին այսօր՝ փետրվարի 7-ին, ԱԺ-ում լրագրողների հետ զրույցում նշեց ԲՀԿ խմբակցության պատգամավոր Նաիրա Զոհրաբյանը:
«Ես երկու ձեռքով այդ որոշման կողմնակիցն եմ, որովհետեւ ես ընդհանրապես ծխելը համարում եմ չարիք»,-հայտարարեց նա:
Նշենք, որ նման նախաձեռնությամբ հանդես է եկել առողջապահության նախարար Արսեն Թորոսյանը: Նախագիծն արդեն կառավարությունում է:
