Եվրամիությունը չի վերանայի ԵՄ-ից Մեծ Բրիտանիայի դուրս գալու (Brexit) համաձայնագիրը, բայց հնարավոր է համարում ապագա հարաբերությունների մասին համատեղ հռչակագրի լրամշակումը։ Այս մասին հաղորդվում է Եվրահանձնաժողովի ղեկավար Ժան-Կլոդ Յունկերի եւ Մեծ Բրիտանիայի վարչապետ Թերեզա Մեյի համատեղ հայտարարությունում, տեղեկացնում է ՏԱՍՍ-ը։
«ԵՄ երկրները բանակցությունների համար նորից չեն բացի դուրս գալու համաձայնագրի տեքստը, որը մանրակրկիտ մշակված փոխզիջում է ԵՄ-ի եւ Մեծ Բրիտանիայի միջեւ, բայց նրանք պատրաստ են դիտարկել քաղաքական հռչակագրի ձեւակերպումների լրամշակումը՝ հասնելու համար ավելի հավակնոտ հարաբերությունների ապագայում»,- ասվում է հրապարակման մեջ։ Նշվում է, որ կողմերը կշարունակեն բանակցությունները մինչեւ փետրվարի վերջ։
