Հայաստանի վարչապետ Նիկոլ Փաշինյանը ողջունել է Էմանուել Մակրոնի՝ ապրիլի 24-ը Ֆրանսիայում Հայոց ցեղասպանության հիշատակի ազգային օր հայտարարելու մասին որոշումը: Twitter-ի իր միկրոբլոգում Փաշինյանը ողջունել է այդ որոշումը` այն «ուժեղ քայլ եւ մարդու իրավունքները պաշտպանելու եւ զանգվածային սպանությունները կանխարգելելու վճռական եւ համերաշխության ակտ անվանելով»:
Հիշեցնենք, որ Էմանուել Մակրոնը ապրիլի 24-ը Ֆրանսիայում Հայոց ցեղասպանության հիշատակի ազգային օր է հայտարարել: Ֆրանսիայում հայկական կազմակերպությունների համակարգող խորհրդի ամենամյա ընթրիքի ժամանակ նա հիշեցրել էր, որ Ֆրանսիան առաջին երկրներից էր, որը դատապարտել էր «Օսմանյան կայսրությունում հայ ժողովրդի դեմ մահաբեր որսը»:
