ԱՄՆ Սենատի հետախուզական հարցերով հանձնաժողովի նախագահը հայտարարել է, թե հետաքննությունը չի հայտնաբերել ապացույցներ այն բանի վերաբերյալ, որ նախագահ Դոնալդ Թրամփի նախընտրական շտաբը պայմանավորվածություններ է ունեցել Մոսկվայի հետ։

«Եթե մենք մեր ունեցած փաստերի վրա հիմնված հաշվետվություն գրենք, ապա չենք ունենա ոչինչ, որը մատնացույց կաներ Թրամփի նախընտրական շտաբի եւ Ռուսաստանի միջեւ պայմանավորվածությունը»,- CBS News-ին տված հարցազրույցում հայտարարել է հանրապետական Ռիչարդ Բարրը։

Նրա խոսքերով, հանձնաժողովը, որ երկու տարի հետաքննել է ԱՄՆ ընտրություններին ենթադրյալ միջամտությունը, դեռեւս չի սկսել կազմել իր վերջնական հաշվետվությունը։