Հարկային նոր օրենսգրքի շուրջ քննարկումների շնորհիվ Հայաստանի կառավարությունը ճիշտ որոշման կհանգի։ Այս մասին իշխող խորհրդարանական «Իմ քայլը» խմբակցության փակ նիստից հետո փետրվարի 7-ին լրագրողների հետ զրույցում հայտարարեց Հայաստանի ֆինանսների նախարար Ատոմ Ջանջուղազյանը։ Ընդ որում, նա նշեց, որ նոր օրենսգիրքը դժվար թե բոլորին դուր գա եւ կարողանա բոլորին բավարարել։
«Միշտ պետք է ղեկավարվել այնպես, որ փոքրամասնության շահերը ստորադասվեն մեծամասնության շահերին։ Օրինակ, եթե ինժեներները վատ են կազմակերպված, ապա դա դեռ չի նշանակում, որ մենք պետք է անտեսենք նրանց»,- պարզաբանեց Ջանջուղազյանը։ Նախարարի խոսքերով, կառավարության նպատակն այն է, որ հավասարակշռի բոլորի շահերը եւ ճիշտ որոշումների հանգի։
