ԱՄՆ-ում դաջվածքն օգնել է գտնել հանցագործին։ AP-ն հայտնում է, որ կեռախաչով եւ «ընտանեկան արժեքներ» գրառումով դաջվածքը օգնել է ոստիկաններին գտնել տղամարդուն, ով մեղադրվում էր խեղդելու, բռնաբարելու եւ դանակի հարվածներ հասցնելու մեջ։
26-ամյա Ջեյմս Սիմփսոնը ձերբակալվել է։ Նրան յոթ հոդվածներով մեղադրանքներ են առաջադրվել, որոնց թվում՝ առաջին կարգի բռնաբարություն։
Մեղադրական փաստաթղթերում հաստատվում է, որ Սիմփսոնը հարձակվել է այն կնոջ վրա, ով իրեն տուն էր հրավիրել։ Նա փորձել է խեղդել կնոջը՝ մինչեւ վերջինս կորցրել է գիտակցությունը, եւ երկու անգամ դանակով հարվածել է նրա մեջքին՝ ծակելով թոքը։ Կնոջը հաջողվել է փախչել եւ հարեւանին օգնության կանչել։
