Բրազիլական Մինաս Ժերայս նահանգում Vale ընկերության ամբարտակի փլուզման հետեւանքով զոհվածների թիվը հասել է 157-ի, տեղեկացնում է G1 պորտալը՝ հղում կատարելով տեղական իշխանություններին։
Վթարից հետո որոնումների 14-րդ օրը ճանաչվել է ողբերգության 134 զոհի մարմին։ Անհայտ կորած է համարվում 182 մարդ։ Հրշեջ ծառայությունները սկսել են օգտագործել 250 հատուկ տեղորոշիչ սարքեր, որոնք կարող են հայտնաբերել փրկարարների գտնվելու վայրը եւ նրանցից օգնություն խնդրել, տեղեկացնում է ՌԻԱ «Նովոստի»-ն։
Vale ընկերության ամբարտակի փլուզումը Բրումադինյոյի շրջանում տեղի է ունեցել հունվարի 25-ին, ցեխահոսքը լցվել է Vale ընկերության վարչական շենքեր եւ բնակիչների տներ։ Որոնողա-փրկարարական աշխատանքները շարունակվում են։
