Այս փուլում մենք պետք է հասկանանք, թե ինչու, լինելով ԵՏՄ անդամ, չենք կարողանում օգտվել միության ընձեռնած լայն հնարավորություններից։ Այս մասին այսօր՝ փետրվարի 8-ին, Տարածաշրջանային եւ եվրասիական ինտեգրման հարցերի մշտական հանձնաժողովի անդրանիկ նիստին ասաց հանձնաժողովի նախագահ Միքայել Մելքումյանը։
«Տնտեսական միություն ասելով հասկանում ենք ընդհանուր եւ միասնական շուկա, որտեղ պետք է ոչ միայն ապրանքների եւ ծառայությունների, աշխատուժի, կապիտալի ազատ տեղաշարժ լինի, այլ նաեւ ապրանքների գնագոյացման նույն պայմաններ լինեն, գումարած տրանսպորտային ծախսերը, գումարած Վրաստանով տրանզիտը։ Այս հարցերը մենք գործադիրի առաջ միշտ բարձրացնելու ենք»,-ասաց նա։ Նիստի ժամանակ հաստատվեց նաեւ հանձնաժողովի աշխատակարգը։