Մարոկոն դադարեցրել է մասնակցությունը ռազմական գործողություններին Սաուդյան Արաբիայի կողմից ղեկավարվող կոալիցիայի հետ Յեմենում ընթացող պատերազմում, հաղորդում է AP-ը:
Ավելի վաղ հաղորդվում էր Մարոկոյի դեսպանին խորհրդակցությունների համար Էր Ռիադից հետ կանչելու մասին:
Մարոկոյի եւ Սաուդյան Արաբիայի միջեւ լարվածությունն աճում էր Յեմենում պատերազմի ընթացքում Սաուդյան Արաբիայի գործողությունների եւ այլ խնդիրների պատճառով միջազգային հանրության անհանգստության ֆոնին:
Կառավարության ներկայացուցիչը հայտարարել էր, որ Մարոկոն այլեւս չի մասնակցելու ռազմական գործողություններին կամ Սաուդյան Արաբիայի կողմից ղեկավարվող կոալիցիայի նախարարների հանդիպումներին:
Մարոկոյի կառավարությունը չի հրապարակում կոալիցիայում իր զինվորականների մասնակցության մանրամասները, որը 2015 թվականից Յեմենում պայքարում է Խութի ապստամբների դեմ: