Արցախի ԱԺ նախագահ Աշոտ Ղուլյանի եւ խորհրդարանականների հետ հանդիպմանը քննարկված հարցերից առանցքային էր ՀՀ նոր իշխանությունների՝ առավելագույնս հասկանալի, թափանցիկ եւ կանխատեսելի լինելը Արցախի քաղաքական ուժերի համար, եւ այս առումով խոսակցությունը ստացվեց: Այս մասին, այսօր՝ փետրվարի 9-ին, լրագրողների հետ ունեցած ճեպազրույցում ասել է ՀՀ Ազգային ժողովի նախագահ Արարատ Միրզոյանը, հաղորդում է «Արցախպրեսը»:
«Բնականաբար, օրակարգի ամենաէական հարցը արցախյան հիմնախնդրի շուրջ մեր մոտեցումներն էին, ՀՀ-ում եւ ԱՀ-ում տեղի ունեցող վերջին քաղաքական զարգացումները»,- ավելացրել է Արարատ Միրզոյանը: