Թունիսում 7 գրոհայիններ ցմահ ազատազրկման են դատապարտվել 2015 թվականին թանգարանի եւ հանգստավայրի վրա զինված հարձակում կատարելու համար, հայտնում է BBC News-ը: 

Հարձակման մի քանի այլ մասնակիցներ ավելի մեղմ պատժի են դատապարտվել, իսկ 27 մարդ արդարացվել է:

Առաջին հարձակումը կատարվել էր 2015 թվականի մարտին Թունիսում Բարդո թանգարանի վրա, որի հետեւանքով սպանվել էր 22 մարդ: Երեք ամիս անց՝ 38 զբոսաշրջիկներ, հիմնականում բրիտանացիներ, գնդակահարվել էին Պորտ Էլ Կանտաուիում: