Պակիստանը թակարդի է վերածվել քրիստոնյա Ասիա Բիբիի համար, ով 8 տարի ապրել է սրբապղծության համար մահապատժի վախի մեջ եւ մինչ այժմ չի կարողանում լքել Պակիստանը՝ հայտնում է Associated Press-ը։

Թերթը գրում է, որ 54-ամյա կնոջը գաղտնի թաքստոցից տեղափոխել են Կարաչի քաղաքի մոտ գտնվող այլ թաքստոց, սակայն նա մինչ այժմ չի կարողանում դուրս գալ երկրից, որպեսզի միավորվի Կանադայում գտնվող իր դուստրերի հետ։

Թերթի աղբյուր Աման Ուլլահը, ով Բիբիի հետ խոսել է հեռախոսով, հայտնել է, որ կինը վախեցած է արմատական իսլամիստների սպառնալիքներից, որ ստանում է դատարանի կողմից արդարացվելուց հետո։

Ասիա Բիբիի պատմությունը սկսվել է 2009թ․, երբ նրա երկու ընկերուհիները հրաժարվել էին ջուր խմել քրիստոնեուհու խմած բաժակից։ Ավելի ուշ կնոջը մեղադրել էին սրբապղծության մեջ։ Դատարանը Բիբիին արդարացրել եւ ազատ էր արձակել, սակայն  նրա կյանքը մինչ այսօր էլ վտանգի տակ է իսլամիստների պատճառով, որոնք վրդովված են դատարանի որոշումից։