News
Լրահոս
News
Կիրակի
Մարտ 03
Տեսնել լրահոսը

Միջաստղային  Օումուամուա աստղակերպին աստղագետները նկատել են 2017թ․ հոկտեմբերին։ Աստղակերպի հետագիծը եւ ձեւը այնքան անհարիր են եղել մեր մոլորակային համակարգին, որ որոշ մասնագետներ այն արհեստական աստղային առագաստ են համարել։ Սակայն ժամանակի հետ հետազոտողներն ավելի քիչ էկզոտիկ ենթադրություններ են արել՝ գրում է «Գիտություն եւ կյանք» ամսագիրը։

Այն պահին, երբ Հավայան կղզիներում տեղադրված աստղադիտակը լուսանկարել է աստղակերպին, Օումուամուան արդեն անցել էր Արեւին ամենամոտ կետը եւ գտնվում էր մեր մոլորակից 24 մլն կիլոմետր հեռու։ Նրա հետգիծը աստղաֆիզիկոսներին թույլ է տվել պնդել, թե դա մեր կողմից նկատված առաջին աստղակերպն է, որ հեռացել է որեւէ հարեւան աստղից։ Սակայն, վերականգնելով Օումուամուայի անցած ճանապարհը,  մասնագետները հետաքրքիր շեղումներ են նկատել։ Սովորաբար այդպես իրենց պահում են գիսաստղերը․ նրանց մակերեւույթի վրայից արտազատվող գազերը մի քիչ փոխում են նրանց շարժումը։ Սակայն միջաստղային ասղակերպի շուրջը գազ չի նկատվել։ Բացի այդ, ասղաֆիզիկոսները դեռ մեզ մոտ չեն նկատել աստղակերպեր, որոնք նման լինեին 800 մետրանոց օվալի։

NASA-ի ռեակտիվ շարժման լաբորատորիայից Զդենեկ Սեկանինան  դեռեւս 1980-ականների կեսին դիտարկել է այն գիսաստղերը, որոնք, մոտենալով Արեգակին, հանկարծ անհետացել են։ Մի քիչ ավելի ուշ այլ աստղաֆիզիկոսներ հայտնաբերել են, որ խամրած գիսաստղերը, որոնք շատ են մոտենում արեւին, սովորաբար պայթում են եւ չեն հասնում աստղին մոտ կետի, եւ նրանց ուղեծրում այնուհետեւ շարժվում են միայն բեկորներ ու մասնիկների ամպեր։ Այ, ինչ հայտնի է աստղակերպի մասին, ստիպում է հիշել նախորդ ուսումնասիրությունները։ Իսկ ի՞նչ կասեք, եթե Արեւից հեռացող աստղակերպը նույնպես մասնիկների ամպ է։ Դա կբացատրեր, թե ինչու Օումուամուան երկարավուն ձեւ ունի՝ մասնիկներն ու բեկորները կարող են կպչել միմյանց եւ ստեղծել նոր օբյեկտներ, որոնք նման չեն իրենց նախածնողներին։

Մի քանի առանցքների շուրջը Օումուամուայի պտտվելը նույնպես կարող է խոսել աղետի մասին՝ իր հրապարակման մեջ պարզաբանում է Սեկանինան։ Տիեզերական նման իրադարձություններ տեղի են ունեցել 2017թ․, երբ C/2017 S3 գիսաստղը Արեւի ճանապարհին երկու անգամ պայթել էր։ Առաջին պայթյունը նրան վերածել էր մասերի, իսկ երկրորդը՝ մասնիկների ամպի։

Հետագայում Զդենեկ Սեկանինան մտադիր է իր հիպոթեզի ապացույցները գտնել տարբեր աստղադիտարանների արխիվներում։ Եթե նրա ենթադրությունները ճիշտ են, ապա մասնագետները ստիպված կլինեն վերանայել այն ուղղությունը, որտեղից մեր մոլորակային համակարգ է եկել Օումուամուան։ Առայժմ նախնական հաշվարկները մատնանշում են մի քանի աստղ-թեկնածուների։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Եվրոպայում ծրագրում են օգտակար բեռներ փոխադրել Մարսի ուղեծիր
Փոխադրող տիեզերանավը նախատեսվում է համալրել էլեկտրական շարժիչ ունեցող համակարգով...
Գիտնականները պարզել են, թե որտեղից են Մարսի մակերևույթի վրա առաջացել օրգանական նյութեր
Պարզվել է, որ Մարսի մթնոլորտը կարող է պայմաններ ապահովել ֆորմալդեհիդի շարունակական սինթեզի համար․․․
Իններորդ մոլորակը գտնվում է Արեգակից 500-600 աստղաբանական միավոր հեռավորության վրա. LiveScience
Արեգակնային համակարգի Իններորդ մոլորակն ուսումնասիրել են Կալիֆոռնիական տեխնոլոգիական ինստիտուտի աստղագետները...
ՆԱՍԱ. TIMED արբանյակը քիչ էր մնում բախվեր ռուսական հետախուզական զոնդի հետ
ՆԱՍԱ-ում ընդգծել են, որ բախման դեպքում երկու տիեզերանավերն էլ կվերածվեն արագընթաց բեկորների մեծ ամպի...
Միջազգային տիեզերական կայանի ռուսական հատվածում օդի արտահոսք է տեղի ունեցել
Պետական կորպորացիայում հավելել են, որ անձնակազմը մշտապես միջոցներ է ձեռնարկում ՄՏԿ -ում հնարավոր արտահոսքերը հայտնաբերելու և վերացնելու համար...
«Webb» աստղադիտակը հայտնաբերել է կարմիր գերծանր սև խոռոչ
Գիտնականները դեռևս հստակ չգիտեն՝ ինչպես են առաջանում սև խոռոչները․․․
Ամենաշատ