Հնագետները Արեւմտյան Սահարայում անհայտ քաղաքակրթության հետքեր են հայտնաբերել, հաղորդում է ՌԻԱ Նովոստի-ն՝ հղում կատարելով Live Science-ին:
Արեւելյան Անգլիայի համալսարանի գիտնականներն ուշադրություն են դարձրել արբանյակից արված անսովոր լուսանկարներին: Պեղումների արդյունքում պարզ է դարձել, որ կադրերում երեւում են շինությունների մնացորդները:
Ինչպես նշում են հետազոտողները, քարերից կառուցված շինություններն ունեին տարբեր չափեր ու ձեւ՝ շրջանից եւ ուղղանկյունից մինչեւ կիսալուսին: Դրանցից մի քանիսը կազմում են շինությունների համալիր՝ մինչև 630 մ մակերեսով:
Գտածոյի ճշգրիտ տարիքն ու նշանակությունը դեռեւս հայտնի չեն, սակայն գիտնականները ենթադրում են, որ դրանց մի մասն ավելի քան մեկուկես հազատ տարեկան է: