Չինաստանում լուսնային օրացույցով Ամանորի կապակցությամբ մեկշաբաթյա արձակուրդի ընթացքում բնակիչները երկրում 415 մլն ուղեւորություն են կատարել՝ ծախսելով 513,9 մլրդ յուան (76,21 մլրդ դոլար): Այս մասին են վկայում Չինաստանի Զբոսաշրջության եւ մշակությի նախարարության տվյալները, գրում է «ՌԻԱ Նովոստին»:

Համեմատության համար՝ Լյուքսեմբուրգի ՀՆԱ-ն (2018 թվականի ԱՄՀ տվյալներով) մոտ 69 մլրդ դոլար է, Լատվիայի՝ 34 մլրդ, Կիպրոսի՝ 23 մլրդ, հարեւան Մոնղոլիայի՝ 13 մլրդ, Մոնտենեգրոյի՝ 5 մլրդ դոլար:

Չունցզեն (Գարնան տոն, լուսնային օրացույցով Ամանոր)  գրիգորյանական օրացույցով 2019 թվականին Չինաստանում սկսվել է փետրվարի 5-ին: Տարվա խորհրդանիշ է դարձել հողե խոզը: Ամանորյա տոնակատարությունները կավարտվեն Լապտերների տոնից հետո՝ (Յուանսյաոցզե կամ Դենցզե) առաջին լուսնային ամսի 15-րդ օրը: Չինաստանում պաշտոնական ամանորյա տոներն ավարտվել են փետրվարի 10-ին:

Նախարարության տվյալների պահպանման եւ մշակման կենտրոնի հաշվարկներով՝ տոնական շաբաթվա ընթացքում ընդհանուր առմամբ Չինաստանով 415 մլն ուղեւորություն է կատարվել, ինչը 7,6 տոկոսով ավելին է 2018-ի նույն ժամանակահատվածի համեմատ:  

Զբոսաշրջության ոլորտի եկամուտը կազմել է 513.9 միլիարդ յուան (76.21 միլիարդ յուան)՝ տարվա ընթացքում ավելանալով  8.2 տոկոսով:

Նախարարության կողմից անցկացված հարցման համաձայն՝ տոնական օրերին զբոսաշրջիկները նախընտրել են ավանդական մշակութային միջոցառումները, զբոսաշրջիկների շուրջ 40 տոկոսը այցելել է թանգարաններ:

Չունցզեն ավանդական ընտանեկան տոն է, որն ընդունված է ընտանիքի հետ դիմավորել: 2019-ին չունյունը սկսվել է հունվարի 21-ին եւ կտեւի մինչեւ մարտի 1-ը: Իշխանությունների գնահատմամբ՝ երկրի բնակիչները այդ ընթացքում մոտ 30 ուղեւորություն կկատարեն: