Փետրվարի 11-ին կայացավ Ազգային ժողովի տնտեսական հարցերով մշտական հանձնաժողովի առաջին նիստը, հաղորդում է NEWS.am-ի թղթակիցը: Նիստի օրակարգում երկու հարց էր՝ փոխնախագահի ընտրություն եւ հանձնաժողովի աշխատանքի կարգի հաստատում:
Հանձնաժողովի փոխնախագահի պաշտոնում միաձայն ընտրվեց «Իմ քայլը» դաշինքի խմբակցության պատգամավոր Հովիկ Աղազարյանը: Իր խոսքում Աղազարյանը շեշտեց, որ շատերը իշխանությունների կողմից հայտարարված տնտեսական հեղափոխությունը ներկայացնում են որպես անհասանելի մի բան, բայց դա ընդամենը հրաժարում է հին մոդելից եւ նպատակին հասնելու համար հարկավոր է նվազեցնել կոռուպցիոն ռիսկերը, հատկապես պետական կառույցներում: Պատգամավորները միաձայն հավանություն տվեցին նաեւ կառույցի աշխատանքի կարգին:
