News
Լրահոս
News
Ուրբաթ
Փետրվար 22
Տեսնել լրահոսը

ՀՀ պետական եկամուտների կոմիտեի միջազգային համագործակցության վարչությունը 2018թ. հանդես է եկել Հայաստանում օդային ճանապարհով ուղեւորվող անձանց մասին նախնական տեղեկատվության փոխանակման (API/PNR) համակարգերի ներդրման նախաձեռնությամբ: Բազմակողմանիորեն ուսումնասիրվել է համակարգերի ներդրման միջազգային լավագույն փորձն ու պատրաստվել ծրագրի ներդրման նախագիծ: Աշխարհում ավելի քան 60 երկիր կիրառում են API/PNR համակարգերը:

ՊԵԿ-ից NEWS.am-ին հայտնում են, որ օդանավակայաններում մեծ ուղեւորահոսքերի արդյունավետ կառավարման նպատակով Համաշխարհային մաքսային կազմակերպության, Քաղաքացիական ավիացիայի միջազգային կազմակերպության եւ Միջազգային օդային փոխադրումների ասոցիացիայի կողմից մշակված API (ուղեւորների նախնական տեղեկատվության) եւ PNR (ուղեւորների տվյալների գրանցման) համակարգերը թույլ են տալիս սահմանային հսկողություն իրականացնող մարմիններին նախքան ուղեւորների ժամանումը նրանց մասին ստանալ անհրաժեշտ տեղեկատվություն՝ ստուգման գործընթացում ռիսկերի կառավարումն առավել թիրախային դարձնելու նպատակով:

Համակարգերի ներդրումը Հայաստանում կնպաստի անվտանգության մակարդակի բարձրացմանը, ռիսկերի թիրախային գնահատմանը, օդանավակայաններում ցածր ռիսկային ուղեւորների հոսքի թեթեւացմանը եւ վերջիններիս ուղեբեռների ստուգման ժամանակահատվածի նվազեցմանը:

ՊԵԿ միջազգային համագործակցության վարչության ներկայացուցիչը հունվարի 20-23-ը մասնակցել է Բրյուսելում կայացած Համաշխարհային մաքսային կազմակերպության, Քաղաքացիական ավիացիայի միջազգային կազմակերպության եւ Միջազգային օդային փոխադրումների ասոցիացիայի API/PNR հաղորդակցության կոմիտեի 23-րդ հանդիպմանը:

Քննարկվել են ծրագրի ներդրման ուղեցույցները, առաջարկվող փոփոխությունները եւ մարտահրավերները: ՀՀ-ում API/PNR համակարգերի ներդրման նպատակով անհրաժեշտ է ստեղծել համապատասխան իրավական հիմքեր՝ նոր իրավական ակտերի ընդունման կամ արդեն իսկ գործող իրավական ակտերում փոփոխություններ եւ/կամ լրացումներ կատարելու միջոցով, մասնավորապես՝ անձնական տվյալների պաշտպանության ոլորտը կարգավորող իրավական ակտերի առումով:

Ներկայում այդ նպատակի իրականացման համար աշխատանքներ են տարվում միջգերատեսչական համատեղ աշխատանքային խումբ ստեղծելու ուղղությամբ:

Տպել
Կարդացեք նաև
Ամբողջը
«Արսենալ ԼՏԴ» ՍՊԸ-ն արտոնություն ստացավ՝ զենքի և զինամթերքի արտադրության մեջ կիրառվող ապրանքների ներմուծման համար
Արտադրանքի ընդհանուր ծավալը տարեկան կկազմի 44 մլրդ 400 մլն դրամ...
Հայաստանում սոցիալ-տնտեսակա իրավիճակը քաղաքացիներին թույլ չի տալիս բնական արտադրանք գնել. Դ. Պիպոյան
Նրա խոսքով՝ հարկավոր է կաթնամթերքի մակնշման ե որակի բարձրացման ուղղությամբ աշխատանք տանել, սակայն սպառողները հաճախ..
Սննդամթերքի կեղծման համար արտադրողը պետք է քրեական պատասխանատվության ենթարկվի. պաշտոնյա
Պաշտոնյան ընդգծեց, որ հարկավոր է հավասարակշռություն ստեղծել արտադրողի եւ սպառողի շահերի միջեւ...
«Տպավորություն է, որ ՀՀ հանքերի մեծ մասը կառավարվում է մի կետից». Գրություն կվերահասցեագրվի դատախազությանը
Կարո՞ղ են վստահ լինել, որ մինչև վերջին ֆիզիկական անձը, որը մի քանի կոմբինացիաներով «օֆշորի-օֆշորի-օֆշոր» է ստեղծել, գտնելու են…
Կառավարության նիստի օրակարգում 30 հարց է, որից 19-ը՝ չզեկուցվող
ՀՀ ԱԺ 2018 թվականի ընտրություններում 3 և ավելի տոկոս ձայն հավաքած կուսակցություններին և կուսակցությունների դաշինքներին աջակցություն ցույց տալու մասին...
«Ժամանակ». Ֆլեշ Բարսեղի սիրտը շատ փող է ուզում. որոշել է բենզինը թանկացնել