News
Լրահոս
News
Երկուշաբթի
Փետրվար 18
Տեսնել լրահոսը

Տուրիզմի հայկական ֆեդերացիայի նախագահ Մեխակ Ապրեսյանը փաստել է, որ հանրապետությունում ավելացել է զբոսաշրջիկների հոսքը։

Փետրվարի 11-ին կայացած մամուլի ասուլիսում Ապրեսյանը նշել է, որ տուրիստական հոսքի աճը, ինչպես եւ սպասվում էր, ավելացել է 10 տոկոսով։ Իր դերն է ունեցել նաեւ հեղափոխական գործընթացը, որն էապես նպաստել է Հայաստանի ճանաչելիությանը։ Ապրեսյանը նշել է ձեռք բերված հաջողությունը կապիտալացնելու անհրաժեշտության մասին։ Դրա համար հարկավոր է կարողանալ ադրյունավետ կառավարել գործընթացներն ու հասնել լավ արդյունքի։ «Հարկավոր է աշխատել ծառայությունների որակի բարձրացման ուղղությամբ։ Զբոսաշրջիկները չպետք է հիասթափված հեռանան։ Տեսածը պետք է գերազանցի նրանց ակնկալիքները, որպեսզի տուն վերադառնալով հիացմունքով պատմեն հարազատներին ու ընկերներին՝ խորհուրդ տալով նրանց եւս այցելել Հայաստան»,- ասել է Ապրեսյանը։

Նրա խոսքով՝ 2000-2018 թվականներին զբոսաշրջիկների հոսքն ավելացել է մոտ 30 անգամ, ավելի քան 100 անգամ մեծացել է հյուրանոցային տնտեսությունը, այդ թվում՝ մարզերում։ Գործում են ավելի քան հազար զբոսաշրջային գործակալություններ և տուրօպերատորներ։ «Սակայն ազնիվների կողքին անազնիվներն էլ կան, նրանք տրամադրում են անորակ ծառայություններ, խուսափում են հարկերի վճարումից, ազնիվ աշխատողների համար ստեղծում անհավասար պայմաններ։ Սա բացասաբար է անդրադառնում Հայաստանի իմիջի վրա։ Տուրիզմը ոչ միայն տնտեսական, այլեւ սոցիալական ու քաղաքական նշանակություն ունի»,- ասել է Ապրեսյանը՝ հավելելով, որ գործող օրենսդրությունը լուրջ փոփոխությունների կարիք ունի։ Որպես կարեւոր քայլ նա նշել է համապատասխան ծառայությունների՝ զբոսավարների եւ տուրօպերատորների, հյուրանոցային բիզնեսի լիցենզավորումը։ Մեկ այլ լուրջ խնդիր է այն, որ երկրում աշխատում են տուրօպերատորներ եւ զբոսավարներ հարեւան երկրներից։ «Բացի այն, որ սա խանգարում է տեղի օպերատորներին, կարող է դառնալ Ցեղասպանության, Հայաստանի պատմության մասին տեղեկատվության խեղաթյուրման աղբյուր։ Տեղեկատվական անվտանգության լուրջ խնդիր կա»,- նշել է Մեխակ Ապրեսյանը։

Ինչ վերաբերում է տուրիզմի մասով կառավարության ծրագրին, Մեխակ Ապրեսյանը դրանում դրական միտումներ է տեսնում։ Ծրագրում խոսվում է Հայաստանի ներսում եւ արտաքին շուկայում Հայաստանի մրցունակության բարձրացման եւ պաշտպանության մասին։ Ցավոք, շարունակել է Ապրեսյանը, ծրագրում չկան ներքին տուրիզմի զարացման բաղադրիչներ։ Այս հարցը Ապրեսյանն առաջարկում է լուծել հարկային օրենսգրքում փոփոխությունների միջոցով՝ արտոնություններ տրամադրելով մասնավոր սեկտորին՝ պետծառայողների համար սոցփաթեթի օրինակով։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Տեներիֆեում 3-ամյա ռուս աղջիկ է զոհվել՝ վայր ընկնելով 3-րդ հարկից
Աղջիկը վայր է ընկել 3-րդ հարկից եւ զոհվել իսպանական Տեներիֆե կղզում...
Հռոմի իշխանությունները կազմելու են մոլի զբոսաշրջիկների սեւ ցուցակ
Հռոմի իշխանությունները ցանկանում են կազմել արտասահմանցի զբոսաշրջիկների սեւ ցուցակ...
Ամերիկացի որսորդը 110 000 դոլար է ծախսել Պակիստանի ազգային խորհրդանշին որսալու համար
«Դա թեթեւ եւ դիպուկ կրակոց էր, եւ ես ուրախ եմ այդ ավարը ստանալու համար»․․․
Վենետիկը մուտքի հարկ է սահմանում
2019 թվականի մայիսի 1-ից քաղաքի հյուրերը, որոնք նախատեսում են գիշերել այնտեղ, մուտքի հարկ կվճարեն 3 եվրոյի չափով, իսկ 2020 թվականի հունվարի 1-ից այդ գումարը կավելանա մի քանի անգամ ՝ հասնելով 6-10 եվրոյի՝ կախված տարվա եղանակից…
Սաուդյան Արաբիան շրջագայություններ կկազմակերպի եզակի քարայրներում
Ճանապարհորդներին կառաջարկվեն 5 եզակի կրաքարային քարայրներ...
Տուրիզմի հիմնադրամը կմիանա կոմիտեին, կվերակազմավորվի «Բիզնես Արմենիա»–ն. Տիգրան Խաչատրյան
Ըստ նախարարի՝ ճիշտ չէ ասել, թե «Բիզնես Արմենիա»–ն վերանում է. ««Բիզնես Արմենիա»–ն չի վերանում, այլ անցնում է վերակառուցման ճանապարհ...
Ամենաշատ