News
Լրահոս
News
Երկուշաբթի
Մայիս 27
Տեսնել լրահոսը

ՀՀ տրանսպորտի, կապի եւ տեղեկատվական տեխնոլոգիաների նախարար Հակոբ Արշակյանը փետրվարի 11-ին ընդունել է Հայաստանի Հանրապետությունում Բուլղարիայի Հանրապետության արտակարգ եւ լիազոր դեսպան Մարիա Պավլովա Ցոցորկովա - Կայմակտչիեւային։

Տրանսպորտի, կապի եւ տջեղեկատվական տեխնոլոգիաների նախարարության լրատվական ծառայությունից հայտնում են, որ ողջունելով դեսպանին՝ նախարարը նշել է, որ Հայաստանի եւ Բուլղարիայի միջեւ տրանսպորտի, կապի եւ բարձր տեխնոլոգիաների բնագավառում կան բոլոր նախադրյալները երկկողմ համագործակցությունն առավել զարգացնելու եւ խորացնելու համար, եւ պատրաստակամություն է հայտնել այդ ուղղությամբ համապատասխան քայլեր կատարել։

Շնորհակալություն հայտնելով ընդունելության համար՝ դեսպանը եւս անդրադարձել է գործակցության ընդլայնման հնարավորություններին, այնուհետեւ նախարարին է ներկայացրել հայ-բուլղարական միջկառավարական հերթական նստաշրջանի կազմակերպչական աշխատանքների հետ կապված մի շարք հարցեր։

Նա կարեւորել է նստաշրջանի օրակարգում հայկական կողմի առաջարկություններն ընդգրկելու անհրաժեշտությունը եւ ներկայացրել է օրակարգային հարցերի շրջանակը։

Դրանք հիմնականում առնչվում են ավտոմոբիլային՝ ուղեւորափոխադրումների եւ բեռնափոխադրումների ոլորտներին, փոխադրումների ընթացքում երկկողմ թույլտվությունների ավելացմանը, էլեկտրոնային հաղորդակցության, փոստային եւ առցանց փոստային փոխադրումների ոլորտներում իրականացրած օրենսդրական նախաձեռնություններին, նորագույն տեխնոլոգիաների կիրառմանը եւ այլն։

Նախարար Հակոբ Արշակյանը նշել է, որ ներկայացված թեմաները առաջիկայում աշխատանքային կարգով կքննարկվեն, որից հետո կարվեն համապատասխան առաջարկություններ։

Հանդիպման ընթացքում անդրադարձ է եղել նաեւ երկու երկրների միջեւ տեղեկատվական եւ հեռահաղորդակցական տեխնոլոգիաների ոլորտներում համատեղ ծրագրեր իրականացնելու հնարավորություններին։

Քննարկվել են հետագա համագործակցության հետ կապված մի շարք այլ հարցեր։

!
Այս նյութը հասանելի է նաև   English
Տպել
Կարդացեք նաև
Ամբողջը
Beeline-ում մեկնարկել է «3-րդ սերունդ» 11-րդ ամենամյա ստաժավորման ծրագիրը
Ստաժավորումը կազմակերպվում է ընկերության տարբեր ստորաբաժանումներում՝ Տեղեկատվական տեխնոլոգիաներ, Մարքեթինգ, Իրավաբանական և այլ...
Ucom-ն առաջարկում է ինտերնետ սկսած 6.4 Դ/ՄԲ 50-ից ավելի երկրում ճամփորդելիս
Մտերիմների հետ մշտապես կապի մեջ մնալու համար Ucom շարժական կապի բաժանորդները կարող են ակտիվացնել 100 ՄԲ ծավալով փաթեթը...
«Ռոստելեկոմ»-ի զանգերի կենտրոնում ներդրվել է 2Hz ընկերության Krisp համակարգը (ֆոտո)
«Ռոստելեկոմ»-ի զանգերի կենտրոնի մի քանի տասնյակ համակարգիչներում ներդրվել է Krisp հավելվածը, որը հեռախոսային խոսակցությունների ընթացքում…
Beeline-ն անցկացնում է ZTE Blade A530 սմարթֆոնի վաճառքի ակցիա
ZTE Blade A530-ը կառավարվում է Android 8.1 (Oreo) օպերացիոն համակարգով, ունի 2 ԳԲ օպերատիվ և 16 ԳԲ ներքին հիշողություն։ Ունի երկու տեսախցիկ՝ 13 և 5…
Beeline-ի և Թումոյի համատեղ նախագծի շրջանակում մեկնարկել է առաջին դասընթացը
Աշխատարանի նպատակը ուսանողներին Reinforcement Learning-ի մասին տեսական և գործնական գիտելիքներ փոխանցելն է…
Beeline-ն անցկացնում է նոր VDSL տեխնոլոգիայով ինտերնետին միացման ակցիա՝ կորպորատիվ հաճախորդների համար
Ակցիայի շրջանակում կորպորատիվ հաճախորդները կարող են միանալ Beeline-ի VDSL ինտերնետին՝ 15, 30 и 90 Մբիթ/վրկ․ արագությամբ, իսկ ամսական...