Սաուդյան Արաբիայի արտաքին գործերի նախարար Ադել ալ-Ջուբեյրը սաուդցի լրագրող Ջամալ Խաշոգջիի սպանությունը Սաուդյան Արաբիայի՝ «իրենց լիազորություններից դուրս գործած» պաշտոնյաների կողմից կատարված «սխալ» է անվանել:
«Ջամալ Խաշոգջիի մահը մեծ ողբերգություն էր», - CBS-ին տված հարցազրույցում ասել է ալ Ջուբեյրը:
«Դա սխալ էր: Այն կատարվել է Սաուդյան Արաբիայի՝ «իրենց լիազորություններից դուրս գործած» պաշտոնյաների կողմից»:
«Մենք ասացինք, որ հետաքննություն կանցկացնենք: Մենք մեղավորներին պատասխանատվության կենթարկենք եւ կպատժենք: Սաուդյան Արաբիայի թագաժառանգը որեւէ առնչություն չի ունեցել դրան: Խաշոգջիին սպանելու հրաման չի եղել: Ամբողջ երկիրը ցնցված է»:
Նա կոչ է արել սպասել դատավարության ավարտին, եւ հետո միայն «դատել մեզ»:
Ալ-Ջուբեյրը նշել է, որ սաուդցի քննիչները մինչեւ օրս չգիտեն, թե որտեղ է գտնվում Խաշոգջիի մարմինը: Թուրք պաշտոնյաները նշում են, որ հարձակվողները լրագրողի մարմինը լուծել են աղաթթվի մեջ՝ փորձելով թաքցնել նրա սպանության ապացույցները: