News
Լրահոս
News
Չորեքշաբթի
Փետրվար 20
Տեսնել լրահոսը

Վարչապետ Նիկոլ Փաշինյանն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարին:

Վարչապետը կարևորել է Եվրոպական միության հետ հարաբերությունների շարունակական զարգացումն ու կառուցողական երկխոսությունը բոլոր ոլորտներում: Նիկոլ Փաշինյանն ընդգծել է ԵՄ անդամ երկրների կողմից Համապարփակ և ընդլայնված գործընկերության համաձայնագրի հնարավորինս սեղմ ժամկետներում վավերացման անհրաժեշությունը և համոզմունք հայտնել, որ այն հնարավորություն կտա նոր թափ հաղորդել փոխգործակցությանն ու կնպաստի մեր երկրում տարբեր ոլորտներում բարեփոխումների իրականացմանը: Գործադիրի ղեկավարն ընդգծել է, որ ՀՀ կառավարությունը հաստատակամ է ժողովրդավարության զարգացման, մարդու իրավունքների պաշտպանության, խոսքի ազատության ամրապնդման, արդար դատական համակարգի կայացման ուղղություններով համակարգային բարեփոխումների իրականացման գործում և այդ նպատակով կարևորում է ՀՀ-ԵՄ համաձայնագրով նախատեսված օժանդակությունն ու համապատասխան ծրագրերի արդյունավետ իրականացումը: Նիկոլ Փաշինյանը գոհունակությամբ է նշել, որ արդեն իսկ եվրոպական կողմին է տրամադրվել համաձայնագրի՝ ժամանակավորապես ուժի մեջ մտած դրույթների կիրարկման ճանապարհային քարտեզը, որը նախատեսվում է քննարկել նաև առաջիկայում՝ ԵՄ գործըկներների հետ նախատեսված հանդիպումների ընթացքում:

Տոյվո Կլաարն ընդգծել է, որ ԵՄ-ն ևս մեծապես կարևորում է Հայաստանի հետ հարաբերությունների զարգացումն ու ընդլայնումը և համոզմունք հայտնել, որ երկկողմ փոխգործակցությունը կշարունակի ընդլայնվել նաև համաձայնագրի ժամանակավոր կիրարկմամբ՝ վերը նշված ճանապարհային քարտեզով նախատեսվող միջոցառումների իրականացմամբ:

Հանդիպման ընթացքում զրուցակիցները քննարկել են ղարաբաղյան հակամարտության կարգավորմանը վերաբերող մի շարք հարցեր: Նիկոլ Փաշինյանը նշել է, որ Հայաստանը հավատարիմ է հիմնախնդրի խաղաղ կարգավորմանը ԵԱՀԿ Մինսկի խմբի համանախագահության ձևաչափի շրջանակում և կարևորել է Արցախի, մասնավորապես քաղաքացիական հասարակության ներգրավումը վստահության կառուցման միջոցառումներում: Վարչապետը համոզմունք է հայտնել, որ այն կնպաստի կառուցողական մթնոլորտի ձևավորմանը բանակցային գործընթացում:

Նիկոլ Փաշինյանը և Տոյվո Կլաարը մտքեր են փոխանակել նաև տարածաշրջանային այլ խնդիրների շուրջ:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մերկել. Եվրոպան գուցե ստիպված լինի վերանայել մրցակցության կանոնները
Եվրոպան գուցե փոխի մրցակցության կանոնները, եթե ցանկանում է ստեղծել կարեւոր դերակատարում ունեցող ընկերություններ, ասել է Մերկելը...
Յունկերը հուսով է, որ Թրամփն իր խոսքի տերը կլինի
ԵՄ-ն ուզում է բարելավել առեւտրային հարաբերությունները Միացյալ Նահանգների հետ․․․
Չեմ կարծում, թե թույլ ԵՄ-ն համապատասխանում է ԱՄՆ շահերին․ Սեբաստիան Կուրց
Նա նախագահ Դոնալդ Թրամփի արտաքին քաղաքականությունը շատ հաջողված է համարել․․․
Միջգերատեսչական հանձնաժողովը քննարկել է նոր դրույթներ ՀՀ-ԵՄ համաձայնագրի ճանապարհային քարտեզում
Նիստի սկզբում միջգերատեսչական հանձնաժողովի քարտուղար Սեդրակ Բարսեղյանը ներկայացրել է․․․․
ԵՄ-ն «արագ եւ համարժեք» կարձագանքի ԱՄՆ կողմից սահմանված մեքենաների ներկրման մաքսատուրքերին
ԵՄ ներկայացուցիչ Մարգարիտիս Սկինասը հայտարարել է, որ եթե ԱՄՆ-ը շարունակի «եվրոպական արտահանմանը վնասող գործողությունները, Եվրոպական հանձնաժողովը արագ եւ համարժեք կարձագանքի»...
Հայաստան-ԵՄ համաձայնագիրը փոխգործակցության լայն դաշտ է բացում. Զոհրաբ Մնացականյանը՝ Մյունխենում
Հայաստանի եւ Նիդերլանդների արտգործնախարարների հանդիպումը...