Թուրքիայում «Որսորդ» մականունով սերիական մարդասպանը կրկին դատապարտվել է ցմահ ազատազրկման՝ կապված սպանության հետ, որը նա կատարել է պայմանական-վաղաժամ ազատումից մեկ տարի անց՝ հայտնում է Hurriet-ը։

39-ամյա Խամդի Կայապինարը ձերբակալվել է առանձնատան պահակ Սամի Յիլմազի սպանության համար։ Խոստովանելով իր մեղքը՝ նա ասել է, թե սպանել է տղամարդուն, քանի որ իրեն «դուր է եկել նրա զենքը»։ Ոստիկանությունը կասկածյալի տանը հայտնաբերել է գողացված ատրճանակները եւ հրացանները։

Ծանր քրեական հանցագործությունների գործերով դատարանը Կայապինարին կանխամտածված սպանության եւ թալանի համար դատապարտել է ցմահ ազատազրկման։

Վերջին զոհի հարազատները ողջունել են դատարանի որոշումը եւ կոչ են արել նրան այլեւս չազատել բանտից։

Կայապինարն իր առաջին սպանությունը գործել էր 1992թ․, երբ խեղդամահ էր արել իր եղբորը։ 1998թ․, երբ նրան դարձյալ պայմանական-վաղաժամկետ ազատել էին, Նա երեք տարվա ընթացքում սպանել էր յոթ տղամարդու։ Կայապինարը ձերբակալվել էր 2002թ․ եւ դատապարտվել ցմահ ազատազրկման։ Նրան ազատ էին արձակել 2017թ․։

Թուրքական ԶԼՄ-ները մարդասպանին անվանել էին «Որսորդ» այն բանից հետո, երբ նա իր զոհերին անվանել էր որս, իսկ նրանց ունեցվածքը՝ «պարգեւատրում»։

Բժշկական փորձագետները հաստատել են, որ Կայապինարը հոգեկան խնդիրներ չի ունեցել։