Ուիլյամ Բարրը, ում ԱՄՆ նախագահ Դոնալդ Թրամփն առաջադրել է գլխավոր դատախազի-ԱՄՆ արդարադատության նախարարի պաշտոնում, Սենատում ընթացակարգային քվեարկությամբ անցել է, այդ մասին են վկայում քվեարկության արդյունքները, փոխանցում է «ՌԻԱ Նովոստի»-ն:
Սենատը 55 կողմ, 44 դեմ ձայնով որոշել է դադարեցնել Բարրի թեկնածության շուրջ բանավեճերը եւ այն դնել պարզ մեծամասնությամբ քվեարկության: Այսպիսով՝ Բարրը կարող է պաշտոնին վերջնականապես հաստատվել արդեն չորեքշաբթի:
Բարրն այս պաշտոնում աշխատել է նաեւ Ջորջ Բուշ ավագի նախագահության ժամանակ:
Հիշեցնենք, որ ԱՄՆ նախագահ Դոնալդ Թրամփը 2018 թվականի նոյեմբերին ազատել էր գլխավոր դատախազ Ջեֆ Սեշնսին, նրա պարտականություններն առայժմ կատարում է Մեթյու Ուիթաքերը: