Հյուսիսային Կորեան համաձայնել է իր միջուկային օբյեկտների ստուգմանը Ատոմային էներգիայի միջազգային գործակալության (ԱԷՄԳ) տեսուչների կողմից, տեղեկացնում է Gazeta-ն՝ հղում կատարելով The Korea Times-ին։
Պարբերականի տվյալներով՝ մասնագետներին կթույլատրվի այցելել Հյուսիսային Կորեայի միջուկային եւ հրթիռային հրաձգարաններ՝ միջուկազերծման գործընթացի ստուգման համար։
Ինչպես նշվում է, տեսչության անցկացման ժամկետն ու տեղը կհամաձայնեցվեն ԱՄՆ-ի եւ Հյուսիսային Կորեայի բանակցություններում։
Միեւնույն ժամանակ, Հյուսիսային Կորեան խոստացել է երաշխավորել ԱԷՄԳ տեսուչների անվտանգությունը։