Հռոմի պապ Ֆրանցիսկոսը պատասխանել է Վենեսուելայի նախագահ Նիկոլաս Մադուրոյի նամակին, որում նա խնդրում էր օգնել իշխանության եւ ընդդիմության միջեւ «երկխոսության կայացմանը», տեղեկացնում է Gazeta-ն՝ հղում կատարելով Corriere della Sera-ին։

Նա ասել է, որ շատ անհանգիստ է երկրի իրավիճակով, բայց հակամարտութունը լուծելու բոլոր նախորդ փորձերը որեւէ արդյունքի չեն հանգեցրել։ Պայմանավորվածությունները, որոնք հաջողվել է ձեռք բերել, այդպես էլ գործնականում չեն իրականացվել։ Միեւնույն ժամանակ, նա միշտ հանդես է գալիս Վենեսուելայում իրավիճակի փոփոխության շուրջ կառուցողական երկխոսության օգտին։