Հայաստանը Հայոց ցեղասպանության ճանաչումն ու դատապարտումը դիտարկում է գլոբալ անվտանգության ապահովման համատեքստում: Փետրվարի 13-ին ԱԺ-ում կառավարության 5 տարվա գործունեության ծրագիրը ներկայացնելիս այս մասին ասաց վարչապետ Նիկոլ Փաշինյանը՝ պատասխանելով «Իմ քայլը» դաշինքից պատգամավոր Վլադիմիր Վարդանյանի հարցին:
Վարչապետի խոսքով՝ նրանք Հայոց ցեղասպանության ճանաչումն ու դատապարտումը չեն դիտարկում միայն հայ-թուրքական հարաբերությունների համատեքստում:
«Հայաստանը Հայոց ցեղասպանության ճանաչումն ու դատապարտումը դիտարկում է գլոբալ անվտանգության ապահովման եւ ցեղասպանությունների կանխարգելման համատեքստում: Այս ճանապարհին մենք պետք է առավելագույնս ակտիվութուն ցուցաբերենք», - ասաց Փաշինյանը: