News
Լրահոս
News
Հինգշաբթի
Փետրվար 21
Տեսնել լրահոսը


Մեր դիրքորոշումը հստակ է եւ եթե մեր մոտեցումներն ընդունելի չլինեն, բնականաբար ԲՀԿ-ն դեմ կքվեարկի կառավարության ծրագրին: Այս մասին, այսօր՝ փետրվարի 14-ին, ԱԺ-ում լրագրողների հետ զրույցում նշեց ԱԺ փոխնախագահ, ԲՀԿ խմբակցության պատգամավոր Վահե Էնֆիաջյանը:

«Այն իրատեսությունը, որ փորձում ենք հաղորդել այս ծրագրային դրույթների հետ կապված, առիթ ունեցել ենք բարձրաձայնելու: Այն է՝ կոնկրետ մատնանշել աղբյուրները, ժամանակացույցերը եւ ինչպես է իրականացվելու այս կամ այն խնդրի լուծումը: Եթե քաղաքական հայտարարություն կլինի, որ ընդունելի են մեր ներկայացրած մոտեցումները, բնականաբար, մենք կքննարկենք եւ մեր որոշումը կներկայացնենք: Եթե մեր մոտեցումներն ընդունելի չլինեն, բնականաբար ԲՀԿ-ն դեմ կքվեարկի ծրագրին»,-ասաց Էնֆիաջյանը:

Նա նշեց, որ իրենք առաջարկել են, որ ծրագրում ավելացվի 9-րդ գլուխը, որի բովանդակությունը ինքը ներկայացրել է իր ելույթում. «Վարչապետի ամփոփիչ ելույթի ժամանակ կտեսնենք, թե ինչպիսին է նրա դիրքորոշումը, իսկ Նաիրա Զոհրաբյանը մեր պաշտոնական դիրքորոշումը կներկայացնի»:

Անդրադառնալով տնտեսական հեղափոխությանը, Էնֆիաջյանը նկատեց, որ իհարկե, դա պետք է իրականացնել. «Բայց տնտեսական հեղափոխություն ասածն իր մեջ պետք է նախադրյալներ պարունակի: Այդ նախադրյալներն այս ծրագրում չկան: Պետք է ծրագիրը չափորոշիչներ պարունակի, մինչդեռ այնտեղ ավելի շատ հանդիպում ենք «պետք է իրականացնել», «ցանկալի է իրականացնել», «երջանկության զգացողություն» արտահայտություններին: Սա վերացական ընկալելիություն է եւ խնդիրների լուծման բանաձեւերը չկան:

Մեզ համար ամենակարեւոր հարցը ոչ թե ծրագրում ներառելն է, այլ կյանքի կոչելը: Մեզ համար նաեւ բովանդակությունն է կարեւոր, ոչ թե բառակապակցություններ են, իրատեսություն պետք է լինի՝ որտեղից, ոնց, ինչ քայլերի հերթականությամբ եւ ինչ ժամանակցույցով»:

Հարցին, թե ինքը երջանկության զգացողություն ունի՞ այս ծրագիրը կարդալիս, ԲՀԿ-ական պատգամավորն արձագանքեց. «Երջանկության զգացողությունը յուրովի զգացողություն է, այստեղ ձեզնից յուրաքանչյուրը երջանկության զգացողությունը յուրովի է ընկալում: Դա զգայական բան է, կառավարության ծրագիրը պետք է լինի ավելի շոշափելի ու կանխատեսելի»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանում սոցիալ-տնտեսակա իրավիճակը քաղաքացիներին թույլ չի տալիս բնական արտադրանք գնել. Դ. Պիպոյան
Նրա խոսքով՝ հարկավոր է կաթնամթերքի մակնշման ե որակի բարձրացման ուղղությամբ աշխատանք տանել, սակայն սպառողները հաճախ..
Սննդամթերքի կեղծման համար արտադրողը պետք է քրեական պատասխանատվության ենթարկվի. պաշտոնյա
Պաշտոնյան ընդգծեց, որ հարկավոր է հավասարակշռություն ստեղծել արտադրողի եւ սպառողի շահերի միջեւ...
«Տպավորություն է, որ ՀՀ հանքերի մեծ մասը կառավարվում է մի կետից». Գրություն կվերահասցեագրվի դատախազությանը
Կարո՞ղ են վստահ լինել, որ մինչև վերջին ֆիզիկական անձը, որը մի քանի կոմբինացիաներով «օֆշորի-օֆշորի-օֆշոր» է ստեղծել, գտնելու են…
Կառավարության նիստի օրակարգում 30 հարց է, որից 19-ը՝ չզեկուցվող (ուղիղ)
ՀՀ ԱԺ 2018 թվականի ընտրություններում 3 և ավելի տոկոս ձայն հավաքած կուսակցություններին և կուսակցությունների դաշինքներին աջակցություն ցույց տալու մասին...
«Ժամանակ». Ֆլեշ Բարսեղի սիրտը շատ փող է ուզում. որոշել է բենզինը թանկացնել
«Ես էլ ո՞նց ներդրում անեմ». Բաղրամյանի թռչնաֆաբրիկայի սեփականատերը հիասթափված է իշխանություններից
Գործարարը նշում է՝ 450 մարդ է աշխատում թռչնաֆաբրիկայում...
Ամենաշատ