Audi ընկերությունը ցույց է տվել նոր կոմպակտ էլեկտրական ամենագնաց Q4 e-tron-ի աշխատանքային էսքիզները: Կոնցեպտի պրեմիերան տեղի կունենա Ժնեւի ավտոսրահում, որն անցկացվելու է այս տարվա մարտի 7-17-ին, իսկ սերիական տարբերակի դեբյուտը նախատեսված է 2020-ի վերջին-2021-ի սկզբին:
Քրոսովերի արտաքին տեսքը համապատասխանում է մակնիշի ներկայիս ֆիրմային ոճին: Օրինակ՝ առջեւի հատվածը մեծապես հիշեցնում է ֆլագմանային Q8-ը: Էլեկտրաքարը նույնպիսի ութանկյուն կեղծ ռադիատորային վանդակաճաղ ունի՝ շրջանակված ծավալուն օդհավաքիչով, եւ նեղ լուսադիոդային լուսարձակներ՝ խորշերի բազմաթիվ հատվածներով: e-tron գրառումը բամփերի ստորին հատվածում է, որը Audi-ի էլեկտրական կոնցեպտների տարբերակիչ գիծն է. նույն կերպ է PB18 e-tron-ի եւ e-tron GT-ի դեպքում, փոխանցում է Motor-ը:
Արտադրողը դեռեւս տեղեկություններ չի հայտնում ուժային սարքի մասին: Հնարավոր է, որ Q4 e-tron-ին հարմարեցնեն սերիական e-tron-ի էլեկտրահաղորդակը, որը կազմված է ընդհանուր 360 ձ.ու. հզորությամբ եւ պտտման 561 Նմ երկու էլեկտրաշարժիչից: Նոր քրոսովերի մեկ լիցքավորմամբ ընթացքի պաշարը կկազմի 400 կիլոմետրից ոչ պակաս՝ ըստ WLTP ցիկլի: