News
Լրահոս
News
Հինգշաբթի
Փետրվար 21
Տեսնել լրահոսը

ՀՀ Արագածոտնի մարզի դատախազությունում քրեական գործ է հարուցվել մարզի Ուշի համայնքի պաշտոնատար անձանց կողմից առանձնապես խոշոր չափերով հափշտակություն կատարելու դեպքի առթիվ: 

Դատախազությունից NEWS.am-ին հայտնում են, որ ՀՀ ոստիկանության ԿՀԴՊԳՎ կոռուպցիայի եւ տնտեսական գործունեության դեմ ուղղված հանցագործությունների հակազդման վարչությունում տեղեկություններ են ստացվել Արագածոտնի մարզի Ուշի համայնքում յուրացումներ կատարվելու վերաբերյալ:

Այդ առթիվ ՀՀ ոստիկանության Աշտարակի բաժնում նախապատրաստվել են նյութեր, որի ընթացքում պարզվել է, որ նշված համայնքի համապատասխան պաշտոնատար անձինք, օգտագործելով իրենց պաշտոնեական դիրքը, 2017-2019 թվականների ընթացքում յուրացման եղանակով հափշտակել են առանձանպես խոշոր չափի՝ մոտ 3.208.680 ՀՀ դրամ գումար:

Մասնավորապես փաստական տվյալներ են ստացվել առ այն, որ հիշյալ անձինք 2017 թվականի սեպտեմբերի 11-ից մինչ օրս յուրացրել են համայնքապետարանի հավաքարար հրամանագրված անձի անվամբ որպես աշխատավարձ դուրս գրված 1.430.000 ՀՀ դրամ գումարը:

Ըստ ստացված փաստական տվյալների՝ 2017-2018թթ. ընթացքում յուրացվել է 17 անձի որպես օգնություն տրամադրելու համար համայնքի բյուջեից դուրս գրված ընդհանուր 820.000 ՀՀ դրամ գումարը:

Բացի այդ պարզվել է, որ Ուշի համայնքի բարեկարգման համար շինանյութ ձեռք բերելու պատրվակով, 2017 թվականի նոյեմբերի 14-ից 18-ն ընկած ժամանակահատվածում համայնքի բյուջեից դուրս է գրվել մոտ 958.000 ՀՀ դրամ գումար եւ յուրացման եղանակով հափշտակվել:

Նկատի ունենալով, որ նախապատրաստված նյութերում առերեւույթ առկա են առանձնապես խոշոր չափերով հափշտակություն կատարելու հատկանիշներ պարունակող տվյալներ՝ ՀՀ Արագածոտնի մարզի դատախազության դատախազի կողմից ՀՀ քրեական օրենսգրքի 179-րդ հոդվածի 3-րդ մասի 1-ին կետի հատկանիշներով հարուցվել է քրեական գործ: Նախաքննության կատարումը հանձնարարվել է ՀՀ ՔԿ Արագածոտնի մարզային քննչական վարչություն:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դաղստանում հարսանիքի ժամանակ հարսնացուի ընկերուհիները կռվել են ծաղկեփնջի համար
Տեսանյությում, որն արդեն տարածվել է սոցցանցերով, երեւում է, ինչպես է հարսնացուն պատրաստվում նետել ծաղկեփունջը...
32-ամյա տղամարդուն մեղադրանք է առաջադրվել ուրիշի գույքի գաղտնի հափշտակություն. գործը դատարանում է. ՔԿ
Քրեական գործով ձեռնարկված մեծածավալ քննչական գործողությունների արդյունքում բացահայտվել են հանցավոր այլ դրսեւորումներ եւս...
ԱՄՆ-ում խոշոր վթարում 50 մեքենա է հայտնվել
Միայն Միսուրի նահանգում մեկ օրում 729 վթար է գրանցվել, գրում է RG-ն...
Մեկ օրում բացահայտվել է 55 հանցագործություն. Ծեծ, թմրանյութ, կաշառակերություն
Գրանցվել է զենք-զինամթերքի կամավոր հանձնման 6 դեպք...
Ինքնաձիգի գործադրմամբ սպանության փորձ՝ Տավուշում. դեպքի վայրում գտել են 30 փամփուշտ, կրակված պարկուճներ, վնասված Lexus
Կրակոցներ արձակողն այնուհետեւ դիմել է փախուստի…
Հանցագործները թալանել են Վենեսուելայի հյուպատոսարանն Էկվադորում
Յոթ հանցագործ ներխուժել է Վենեսուելայի հյուպատոսարան եւ գողացել փողերը...
Ամենաշատ