Ցմահ դատապարտյալ Արմեն Տեր-Սահակյանը փետրվարի 12-ից հացադուլ է հայտարարել: Այս տեղեկությունը հաստատեցին Արդարադատության նախարարության քրեակատարողական վարչությունից:
Քրեակատարողական վարչության հանրային կապերի բաժնի պետ Նոնա Նավիկյանը NEWS.am-ին հայտնեց, որ Արմեն Տեր-Սահակյանը այս պահին «Նուբարաշեն» ՔԿՀ-ի հացադուլավորների համար նախատեսված խցում է: Մինչ օրս նրան ոչ ոք չի տեսակցել: Նա ցանկանում է ընդունելություն արդարադատության նախարար Արտակ Զեյնալյանի հետ:
Հիշեցնենք, որ փետրվարի 12-ից հացադուլ է հայտարարել նաեւ ցմահ ազատազրկված Արմեն Խաչիկյանը, որը պահանջում է վերանայել իր գործը: