Google-ը, Amazon-ը եւ այլ տեխնիկական ընկերությունները պետք է հայտնեն, թե ինչպես են իրենց հարթակներում գնահատում սեփական կամ մրցակցային արտադրանքները ԵՄ նոր կանոնների համաձայն, որոնք ուղղված են կանխելու առցանց հարթակների եւ հավելվածների անբարեխիղճ գործողությունները:
Reuters-ը հայտնում է, որ անցյալ տարվա ապրիլին Եվրահանձնաժողովի կողմից առաջարկված բիզնեսի համար հարթակի մասին օրենքը (P2B) ուղղված է Google Play, Apple App Store, Microsoft Store, Amazon Marketplace, eBay եւ Fnac Marketplace հարթակներին:
Facebook, Instagram, Skyscanner եւ Google Shopping, Google Search, Seznam.cz, Yahoo !, DuckDuckGo, Bing նույնպես մտնում են 7000 առցանց ընկերությունների թվում, որոնք պետք է հետեւեն այդ կանոններին:
Կանոնները ներառում են անբարեխիղճ առեւտրային պրակտիկայի սեւ ցուցակ եւ պահանջում, որ ընկերությունները ներքին համակարգ ստեղծեն բողոքների քննարկման համար եւ ընկերություններին թույլ տան խմբեր կազմել՝ այդ հարթակների դեմ հայցեր ներկայացնելու համար:
«Մեր նպատակն է արգելել ամենաանարդարացի գործողություններից մի քանիսը եւ թափանցիկության չափանիշ ստեղծել, միեւնույն ժամանակ պաշտպանել առցանց հարթակների առավելություններն ինչպես սպառողների, այնպես էլ ձեռնարկությունների համար», - ասել է ԵՄ-ի թվային բաժանունմնքի ղեկավար Անդրուս Անսիպը:
Բանակցությունների մասնակիցները կանոնները համաձայնեցրել են փետրվարի 14-ի առավոտյան: Այժմ դրանք պետք է հաստատվեն ԵՄ երկրների կողմից նախքան օրենք դառնալը: