Մեր կառավարությունն իր ծրագրում չի գրել Որոտան գետի կարմրախայտի մասին, բայց եթե դրա մասին գրեր, գրած չէր լինելու սազանի մասին, սազանի մասին գրեր, տոլստալոբի մասին գրած չէր լինելու, բեղլուի մասին գրած չէր լինելու: Այս մասին, այսօր՝ փետրվարի 14-ին, ԱԺ-ում կառավարության ծրագրի քննարկման ժամանակ իր ամփոփիչ ելույթում նշեց ՀՀ վարչապետ Նիկոլ Փաշինյանը:
«Էլի հասկանում եմ, բայց գալ, նայել ինձ ու ասել՝ Որոտանում Կարմրախայտ չկա: Որոտանի կարմրախայտերը ես եմ կերե՞լ: Այ էստեղ է քաղաքացին, Որոտանի էլ, Աղստեւի էլ: Էդ որ տոկն ու դինամիտը գցում, պայթեցնում են, տանում ուտում են, այ էստեղ է քաղաքացին: Վաղը որ բռնենք էդպիսի մեկին, գալու եք ասեք՝ սոցիալապես անապահով ընտանիք էր, ինչու թույլ չեք տալիս կարմրախայտ բռնի: Բա սիգայի սեզոնին որ արգելու ենք որսը, մարդիկ դուրս են գալիս ճանապարհը փակում են, չէ՞: Մենք ասում ենք՝ մի հատ բացատրեք, ինձ համա՞ր է այդ սիգը որ ասում ենք՝ թողեք նորմալ սիգը ձվադրի, կարո՞ղ ա ախպերս փայ է մտել սիգի գործի մեջ 50 տոկոս, ինձ չեք ասում, որ տրամադրությունս չընկնի: Էդ սիգը ձեզ համար է»: