Կառավարությունն ավիափոխադրող ստեղծող չի. ով ունի ավիափոխադրող ստեղծելու ծրագիր, որը նորմալ ծրագիր է, թող ներկայացնի, քննարկենք: Այս մասին, այսօր՝ փետրվարի 14-ին, ԱԺ-ում կառավարության ծրագրի քննարկման ժամանակ իր ամփոփիչ ելույթում նշեց ՀՀ վարչապետ Նիկոլ Փաշինյանը:
«Որովհետեւ գիտե՞ք ինչ «լավ» առաջարկ կա: Ասում են՝ եկեք էս բոլոր չվերթները հանեք, սաղ տվեք մեզ: Դա լա՞վ ճանապարհ է: Մենք այդ ճանապարհով արդեն գնացել ենք, երկու անգամ ազգային ավիափոխադրող ենք ունեցել: Ես շատ ուզում եմ, որ ով ունի էդպիսի ծրագիր, թող գա, առաջարկի:
Կամ գալիս ասում են՝ ուզում ենք 100 մլն դոլարի ներդրում անենք, բայց պիտի կառավարությունը երաշխիք տա: Մենք էլ ասում ենք՝ կառավարության երաշխիքով ով էլ ասես, կանի 100 մլն ներդրում: Դա նշանակում է, որ եթե ձախողվեց, կառավարությունը պետք է փակի, այսինքն ժողովուրդը»,-ընդգծեց Փաշինյանը:
